Եղնջացանը հիվանդությունների խումբ է, որը բնութագրվում է քոր առաջացնող բշտիկների և/կամ անոթային այտուցների զարգացմամբ: Եղնջացան անվանման պատճառը մաշկային նմանատիպ ցաների առաջացումն է եղինջների հետ շփման ժամանակ:
Եղնջացանը 20 ամենատարածված մաշկային հիվանդություններից մեկն է, որն առնվազն մեկ անգամ հանդիպում է երկրագնդի բնակչության 15-25%-ի մոտ:
Այս պաթոլոգիան կարող է ընթանալ սուր (մինչև 6 շաբաթ) կամ քրոնիկ (ավելի քան 6 շաբաթ) տարբերակներով: Եվ եթե սուր եղնջացանը, որպես կանոն, դժվարություններ չի առաջացնում ախտորոշման և բուժման ընթացքում, ապա խրոնիկական եղնջացանը կարևոր բժշկասոցիալական խնդիր է։ Սա պայմանավորված է նրանով, որ հիվանդությունը ազդում է հիմնականում աշխատունակ տարիքի մարդկանց վրա, ովքեր մաշկի ծանր քորի և կոսմետիկ արատների ֆոնի վրա ունենում են նաև ուշադրության, աշխատունակության նվազում, քնի խանգարում, հուզական վիճակի վատթարացում և միջանձնային հարաբերություններում դժվարությունների առաջացում: հարաբերություններ. Եղնջացանի դրսևորումների/դրա կասկածի դեպքում հարկավոր է դիմել բժշկի։
- Եղնջացանի կրկնությունը կանխելու համար պացինտին հարկավոր է խուսափել նպաստող գործոնների ազդեցությունից, ինչպիսիք են ջերմությունը, ցուրտը, ֆիզիկական ծանրաբեռնվածությունը և մաշկի շփումը:
- Քրոնիկ կրկնվող և ֆիզիկական եղնջացանով տառապող հիվանդներին խորհուրդ է տրվում մաշկի նուրբ խնամք՝ օգտագործելով զգայուն մաշկի համար նախատեսված հատուկ մաքրող միջոցներ։
- Խոլիներգիկ եղնջացանով տառապող պացիենտներին հարկավոր է խուսափել ծանր ֆիզիկական վարժություններից:
- Դանդաղ արտահայտվող եղնջացանով տառապող հիվանդներին հարկավոր է խուսափել մաշկի վրա ճնշում գործադրելուց:
- Կոնտակտային եղնջացանի դեպքում պետք է խուսափել սադրիչ գործոնների հետ շփումից:
Խորհուրդ է տրվում սննդակարգից բացառել․
- Ցիտրուսներ (նարինջ, մանդարին, կիտրոն, գրեյպֆրուտ և այլն)
- Ընկույզ (պնդուկ, նուշ, գետնանուշ, ընկույզ)
- Ձուկ և ձկնամթերք (թարմ և աղի ձուկ, ձկան արգանակ, պահածոյացված ձուկ, խավիար և այլն)
- Թռչնամիս (սագ, բադ, հնդկահավ, հավ և այլն) և դրանցից ստացված մթերքներ
- Շոկոլադ և շոկոլադե արտադրանք
- Սուրճ, կակաո
- Ապխտած արտադրանք, երշիկեղեն, կիսաֆաբրիկատներ (պելմենի, նրբերշիկ, չոր ապուրներ)
- Քացախ, մանանեխ, մայոնեզ, մարինադներ, սոուսներ և այլ համեմունքներ
- Ծովաբողկ (խրեն), ամսաբողկ, բողկ
- Լոլիկ, սմբուկ և դրանցից պատրաստված արտադրանքը
- Սունկ
- Ձու
- Թարմ կաթ
- Ելակ, ազնվամորի, սեխ, արքայախնձոր, կեռաս, բանան
- Կարագից խմոր, տորթեր, խմորեղեն, կեքս, պիցցա, արագ պատրաստվող սնունդ
- Մեղր և մեղվաբուծական արտադրանք
- Խստիվ արգելվում է ցանկացած տեսակի ալկոհոլային խմիչքների օգտագործումը (ներառյալ թույլ ալկոհոլային արտադրանքը)
- Մսային արգանակներ առաջնային
- Ծովամթերք (ծովախեցգետիններ, խեցգետիններ, մանր ծովախեցգետիններ և դրանք պարունակող մթերքներ)
- Գազավորված ըմպելիքներ
Սննդակարգում կարելի է ներառել․
- Տավարի անյուղ միս՝ խաշած
- Ապուրներ՝ ձավարեղենով, բանջարեղենային, տավարի երկրորդական արգանակով, բուսական
- Կարագ, ձիթայուղ, զտված արևածաղկի ձեթ
- Կարտոֆիլ, գազար, ճակնդեղ (խաշած), շոգեխաշած կաղամբ
- Շիլաներ՝ հնդկաձավարի, վարսակի, բրնձի
- Կաթնամթերք՝ մեկօրյա (կաթնաշոռ, կեֆիր, թթված կաթ (պրոստոկվաշա), թթվասեր)
- Թարմ կեղևահանված վարունգ, մաղադանոս, սամիթ
- Վառարանում եփած խնձոր
- Թեյ (թույլ եփած)՝ առանց բուրահաղորդիչների և հավելումների
- Կոմպոտներ թարմ խնձորից, սալորից, հաղարջից, չրերից
- Շաքարավազ (սահմանափակ քանակությամբ)
- Սպիտակ ոչ ամոքահունց հաց (չորացրած)
Ալերգիայով տառապող հիվանդներին խորհուրդ չի տրվում օգտագործել հետևյալ մթերքները.
- Սննդային գունահաղորդիչներ (տարտրազին E102, դեղնանարնջագույն S E110, ազոռուբին E122, ամարանտ E123, կարմիր կոշենիլ E124, էրիթրոզին E127, ադամանդյա սև BN E151)
- Բուրահաղորդիչներ (գլուտամատներ B 550-553)
- Կոնսերվանտներ (սուլֆիտներ և դրանց ածանցյալներ E220-227, նիտրիտներ E249-252, բենզոաթթվի ածանցյալներ E210-219)
- Հակաօքսիդանտներ (E321)
Աղբյուրներ: 1. Կլինիկական ուղեցույցներ եղնջացանի վերաբերյալ, 2019 թ․ https://raaci.ru/dat/pdf/urticaria-project.pdf Մշակվել է Ռուսաստանի ալերգոլոգների և կլինիկական իմունոլոգների միության, Ռուսաստանի մաշկաբանների և կոսմետոլոգների միության, Ռուսաստանի մանկաբույժների միության կողմից: Հաստատված է Ռուսաստանի շնչառական ընկերության կողմից Համաձայնեցված է Ռուսաստանի Դաշնության Առողջապահության նախարարության գիտական խորհուրդի հետ 2. Եղնջացան, Գործնական ուղեցույց բժիշկների համար, Ս. Վ. Կրասնովա, Օ. Ա. Ռոմանիվա, Գոմել, ՊՀ «ՀԳՊԿ ՌԲ և ՄԷ», 2019 թ․
