Ալերգիայի կանխարգելում

Տանը կենդանիներ չպետք է լինենԱլերգիաներով կամ ասթմայով տառապող հիվանդները շատ խոցելի են, ուստի նրանց մոտ կարող է առաջանալ զգայունություն բոլոր տեսակի ալերգենների նկատմամբ: Կենդանիների թեփը, մազերի և մաշկի մասնիկները կարող են մնալ գորգի, բազկաթոռների վրա և դառնալ ձեր տան փոշու մասնիկ երկար ամիսներ և նույնիսկ տարիներ:

Ազատվեք բոլոր  սենյակային  բույսերիցՍենյակային բույսերը կարող են դառնալ բորբոսի աճի պատճառ և նպաստել տնային փոշու առաջացմանը:

Ալերգիա ունեցող հիվանդները չպետք է ներկա գտնվեն տան մաքրման ժամանակՍա շատ կարևոր կետ է։ Եթե ​​մաքրման ընթացքում ձեր ներկայությունը պարտադիր է, ապա հարկավոր է կրել պաշտպանիչ դիմակ։

Հեռացրեք այն բոլոր իրերը, որոնք փոշի են հավաքումՀարթ մակերեսով բոլոր առարկաները փոշին գրավելու հատկություն ունեն՝ անկախ նրանից՝ դա զարդերով լի դարակ է, թե սեղանիկին դրված գիրք։ Հիմնական սկզբունքը հետևյալն է՝ հարկավոր է խուսափել խառնաշփոթից։ Ուստի բոլոր գրքերը պետք է պահել ապակեպատ գրապահարաններում, մանկական սենյակում ավելի լավ է չպահել խաղալիքներ և հատակը չծածկել գորգերով։

ՊահարաններՊահպանեք դրանք մաքուր և կոկիկ: Տեղադրեք բոլոր իրերը իրենց տուփերում և այլն:

ՀագուստՀագուստը պահեք հատուկ ճարմանդով պատյաններում: Իրերը, ինչպիսիք են օրինակ կոշիկները, սպորտային հագուստը հարկավոր է պահել տուփերի կամ արկղերի մեջ՝ բաց մակերեսը նվազեցնելու համար:

Թափթփված իրերԲոլոր թափթփված իրերը տեղավորեք իրենց տեղերում՝ գրքեր, տուփեր, ամսագրեր,թուղթ, խաղալիքներ՝ այն ամենը, ինչ շրջապատում է ձեզ:

ԴարակներՈրքան քիչ դարակներ լինեն տանը, այնքան լավ: Դրանք ամենամեծ փոշի հավաքողն են։

ՆկարներԴրանք նույնպես փոշի են հավաքում իրենց վրա, ուստի ցանկալի է դրանք նույնպես  հեռացնել։

Հուշանվերներ և զարդերՔանի որ դրանց վրա փոշի է կուտակվում, դրանք պետք է պահել հատուկ պլաստիկ տուփերում։

ԳորգերՀին գորգերը մեծ քանակությամբ փոշի են ստեղծում՝ մանրաթելերի քայքայման արդյունքում:Տվյալ դեպքում իդեալական լուծումը բոլոր գորգերը հեռացնելն է և դրանք կոշտ փայտյա կամ սալիկապատ հատակով փոխարինելը: Եթե այդպիսի հնարավորություն չկա, ապա դրանք պետք է պարբերաբար մաքրվեն փոշեկուլով:

ՎարագույրներՆերեցեք, բայց հարկավոր է բացառել վարագույրները, միայն թեթև լվացվող վարագույրներ՝ պատրաստված հարթ նյութերից, ինչպիսիք են բամբակը կամ սինթետիկ նյութերը: Սովորական շերտավարագույրները խորհուրդ չեն տրվում, քանի որ դրանք փոշին կուտակելու ունակություն ունեն։ Այս դեպքում գլանաձև շերտավարագույրները իդեալական են:

Ջեռուցման համակարգերԴրանք պետք է պարբերաբար ստուգվեն և մաքրվեն փոշուց: Ցանկալի է օգտագործել հատուկ զտիչներ ջեռուցիչների և օդանցքների համար:

Կենցաղային քիմիական նյութերԽուսափեք ուժեղ հոտ ունեցող նյութերի հետ շփումից, ինչպիսիք են դեզոդորանտները, օծանելիքները, նաֆթալինը, միջատներին վանող միջոցները և այլն:

Օդի խոնավացուցիչներ և օդորակիչներԴրանք հարկավոր է պարբերաբար մաքրել, քանի որ դրանք կարող են պարարտ հող դառնալ բորբոսային սնկերի սպորների համար:

Երբեք մի ծխեք  փակ տարածքներումՀաստատվել է, որ ծխախոտի ծուխը ուժեղ գրգռիչ է, որը կարող է առաջացնել ասթմայի նոպա կամ ալերգիայի սրացում: